MURDHA CITTA
Om Awighnamastu Nama Siddham
Malarapan saking Panghyangning Ida Sang Hyang Widhi Wasa Asung Kertha Nugraha ngawentenang kahuripan sakala niskala, ring Bhuwana Agung lan Bhuwana Alit. Manut dresta Desane wantah pawakan pasayuban Krama Desa rawuhing kulawarga pawongannya, Desane kamangguhang Bhuwana Agung, Pawongannya, soang-soang pinaka Bhuwana Alit.
Sotaning Bhuwana Agung, Desane wantah pawakan Bhawa maurip jangkep saha Tri Hita Karanannya luwire :
ha.Parhyangan, sahananing Kahyangan, panyiwian Desa genah ngarcana Ida Hyang Parama Wisesa maka jiwan desane;
na.Pawongan, Krama saha warga Desa maka sami mapawakan Bayu Pramana, mawitan desane sida molah maprawertica. Palemahan, tanah kakuwuban desa saha sarwa prani dagingnya sinanggeh sthula sariraning Desane.
Adung patemon Bhuwana Agung kalih Bhuwana Alit, larapan Santa Jagadhita. sinanggeh murdhaning prayojana pangeriptaning awig-awig Desa Adat ring pasamuan krama Desa Adat Kutri.
Pamutus pasamuan inucap. Pinaka sepat siku-siku pamatut, wastu prasidha, prayojanan mami kabeh prasama angidep muwah amagehaken kadi linging Awig-awig iki.
